Barabut Bafoto Wan Artis

Urang Banjar katuju banar bila ada artis datang matan Jakarta. Barabut mamaraki manjanaki parak-parak. Apalagi bila artis itu kada koyo wan kadada bodigatnya maka barabut bubuhannya basalaman wan bafoto-foto. Mun zaman bahari waktu handphone bakamera balum ada, jarang nang kawa bagambar wan artis. Paling managur mangiyau ngarannya atau basalaman haja gin sudah himung.

Wahini zaman canggih kada hanya nang baisi kodakan nang kawa maambil foto. Nang baisi hape macam-macam ulahan Cina atau hape bamerek terkenal sudah kawa dipakai gasan bakodak-kodakan wan artis.

Artis itu ke Banjarmasin ada nang datang marga ada acara banyanyi, syuting pilem, sinetron, jadi MC, atau lagi mahadiri acara kegiatan sosial. Nang kaya itu jua waktu samalam Barabai kedatangan dua artis nang bangaran Doni Kusuma wan Piyu. Doni ini sudah rancak datang ke Banjar. Tahun 2012 ini aja inya nang katahuan sudah datang tiga kali. Samuaan bakaitan wan acara perusahaan jamu PT Sidomuncul. Doni ini bintang iklan Kuku Bima Energi nang rancak kalihatan tampil di tivi wan Denada, Ade Rai dan bintang Sidomuncul lainnya. Ka Loksado Kandangan inya suah jua waktu syuting balanting bambu (bamboo rafting) gasan iklan pariwisata tema Kalimantan ulahan Sidomuncul.

Hanyar-hanyar tadi inya datang pulang ke Barabai mahadiri acara Bakti Sosial Operasi Katarak nang diadakan oleh PT Sidomuncul bekerja sama lawan Persatuan Dokter Ahli Mata (Perdami) wan jua Pemerintah Kabupaten Hulu Sungai Tengah. Dua hari satu malam Doni Kusuma di Barabai dari tanggal 20 sampai 21 Desember 2012. Urangnya katuju pamakan, kada tapi bapilih. Apam Barabai gin dihantupnya jua. Dodol Kandangan iya jua.

Babulik ka kisah soal bafoto wan artis, Doni Kusuma ini nang datang di lapangan tarbang Syamsudin Noor Banjarbaru jam 9 pagi langsung maluncur ke Banjarmasin untuk bersantap di sebuah Rumah Makan Padang. Parak jam 11 berangkat menuju Barabai. Sampai di Binuang rombongan singgah di rumah makan sakadar mangopi. Mulai urang rami maributakan ada artis. Artis nang datang bakajutan maulah hati bubuhan penjaga warung kada karuan rasa. Handak managur pina supan, lalu ai bisa mamandir mulai jauh aja. Rupanya ada nang baungkara mambuka pamandiran bulihlah bafoto, dan Doninya kada kabaratan manyilahakan bubuhannya nang handak bafoto-foto wan inya. Malah Doninya nang baik banar manggendong kakanakan halus anak dari kuitan nang handak bafoto. Saikung-saikung bafotoan, bahkan ada pengunjung warung itu nang kada katinggalan umpat jua manyalang bafoto tumpulu batamu wan artis.

Di Kandangan kaya itu pulang. Imbah singgah di warung ketupat Kandangan Pakumpaian, ribut pulang malihat artis. Makan dulu lah, ujar Doni. Tapi baluman tuntung banar, dan Doninya handak makan lagi ada nang mamaraki minta bafoto. Bubuhan pelayan warung ketupat Kandangan ribut jua handak bafoto-foto. Waktu ada anggota rombongan Sidomuncul nang manakuni, tahu lah siapa artis nang datang ke warung ketupat Kandangannya itu? Nang lalakian pelayan warung ketupat baucap, “Kuku Bima Energi, Rosso.” Lihum aja Doninya mandangar. Bilang habis sawarungan bafoto-fotoan lawan kamera hape masing-masing.

Sampai di Barabai, imbah tuntung mandi-mandi di hotel, malamnya Doni Kusuma bailang ke rumah kadiaman Bupati Hulu Sungai Tengah H Harun Nurasid wan bini sidin Ibu Hj Tintainah Harun Nurasid. Kedatangan Doni ke Barabai ini pas banar waktunya wan Hari Jadi Kabupaten Hulu Sungai Tengah ke-53 nang diperingati tanggal 24 Desember 2012. Lalu ai jadi kaya kado istimewa bagi masyarakat Barabai. Di kediaman bupati Barabai bubuhan pegawai bupati kada lupa bafoto-fotoan jua wan Doni. Habis dari rumah kediaman, rombongan singgah di rumah makan, bafotoan pulang.

Isuknya, pas acara puncak Bakti Sosial Operasi Katarak gawian Sidomuncul wan Perdami di RSUD Damanhuri Barabai, Jumat tanggal 21 Desember 2012, meledak urang barabut bafoto-fotoan wan Doni. Kada katahuan dari mana haja nang barabut bafotoan wan artis ibukota ini, apakah keluarga pasien nang lagi manjinguk keluarga yang sakit, apa urang lewat karena tahu ada artis lalu handak malihat. Piyu, pemain musik dari Band Padi, nang datang tadudi, gin ditodong dimintai foto bersama. Kada hanya binian, lakian gin barabut jua handak umpat bafoto-foto. Cuma nang tabanyak bubuhan ibu-ibu pang. “Tampulu ada, mun ke Jakarta manunti pulang,” ujar ibu-ibu nang kahimungan banar kawa bafoto wan Doni. Artisnya cuma lihum-lihum haja dan ramah melayani pamintaan bafoto nang kada habisnya. Samantara nang sudah dapat bafoto wan artis liwar himung banar. Sampat maumpati acara peringatan Hari Ibu di Pendopo Kabupaten, Doni wan Piyu dibawai urang pulang bafoto-foto. Piyu sempat mahibur ibu-ibu dengan bagitaran membawakan tiga lagunya nang top yaitu Harmoni, Menanti Sebuah Jawaban dan Kasih Tak Sampai.

Pas siangnya rombongan Sidomuncul bulikan menuju Banjarmasin sebab mengejar pesawat nang tarbang malam ke Jakarta, rombongan sempat singah di perbatasan Barabai-Kandangan. Ada nang nukar oleh-oleh ada nang singgah di kios pulsa. Sampat haja nang tukang jual pulsa minta foto-foto jua wan Doni. Jaka bajualan payu banar artisnya.

Pian pang katuju juakah bafoto wan artis? Ang

Kiriman terbaru

Halaman Terkait

2 Komentar





Validasi
  • Yvonne30-07-2017 19:57:56 A person necessarily assist to make severely articles I would state.
    That is the very first time I frequented your web page and
    up to now? I amazed with the research you made to create this particular post amazing.
    Magnificent process!
  • Bradly13-04-2017 23:51:52 Definitely believe that which you stated. Your
    favorite justification seemed to be on the net the
    easiest thing to be aware of. I say to you, I certainly get irked while people think about worries
    that they plainly don't know about. You managed to hit the nail upon the
    top as well as defined out the whole thing without having side-effects , people can take a signal.
    Will likely be back to get more. Thanks

Web Statistik

Total Kunjungan : 1751192
Kunjungan Hari Ini : 941
Online User : 19
Last Update : 19-08-2017

KukuBima Sido Muncul

Amplang Khas Banjarmasin

Gado-Gado Ayomi

kirim kabar ke : kabar.bc@gmail.com

Travel Haji Banjarmasin

Lowongan Kerja KARIR PADwww.karirpad.com/lowongan/kerja/semuanya

[Get This]