Kecanduan Obat Lalu Mencuntan Ayam Kampung

Anang tabangun mandangar suara ayam babunyi. Inya lalu keluar rumah sambil melihati ke sekitar rumahnya. Saat itu jam 3 subuh. Dilihatinya kadada urang lalu inya masuk pulang ke dalam rumah. Kada lawas ayamnya babunyi lagi, inyapun kaluar pulang sambil membawa parang. Dijinguknya di sekitar rumah dan sekitar kandang ayam. Sakalinya parak kurungan ayamnya ada urang balukup basambunyi. Anang takajut urang nang basambunyi di parak kandang ayam itu kada urang lain alias sakampung jua wan inya. Malah badiam sa RT wan inya di Alalak Utara. Maling ayam itu pun disuruhnya bajauh. "Jaka urang lain sudah dilapurakan wan polisi," ujar Anang, Kamis (25/4/2013). Maling ayam nang handak mancuntan dua ikung ayam kampung ampun Anang itu cuma takurihing dan maminta ampun.

Kecanduan maobat lalu mencuntan ayam ampun urang sakampung, itulah gawian pemuda kampung nang dipengaruhi narkoba.  "Jaka dijual saikung ayam itu harganya Rp150 ribu," ujar Anang. Sejak gawian maobat memasuki pemuda-pemuda kampung, ujar Anang, gawian pemuda-pemuda kampung mulai kada kakaruan jua. Pas kada baduit handak manukar obat,  ayam wan itik urang kampung jadi sasaran. Jaka kada tatangkap dua ikung ayam Anang itu payu dijual Rp300 ribu. Kawa gasan manukar obat merek Z yang sakaping harganya Rp35 ribu. Dua keping harganya Rp70 ribu.  "Kada usah mangisah urang lain, ading saurang gin taumpat maobat, sudah ditangati, mun nukar obat nukar jua baras saliter barang," ujar Anang bapadah.

Anang manyambat ada agen di kampungnya nang tatangkap lalu jara. Ada jua nang bajualan tatangkap, tapi dua hari sudah keluar dari kantor polisi dan bebas bajualan pulang. "Pasti tapalannya ganal jua," ujar Anang. Yud

Kiriman terbaru

Halaman Terkait

1 Komentar





Validasi
  • simpel10-10-2013 14:26:11 haan, untung papadaan jua

Web Statistik

Total Kunjungan : 1623843
Kunjungan Hari Ini : 21
Online User : 15
Last Update : 25-06-2017

Sodo Muncul Tolak Linu Herbal

Amplang Khas Banjarmasin

Kokyaku Japanese Food

kirim kabar ke : kabar.bc@gmail.com

Gado-Gado Ayomo Banjarmasin

Travel Haji Banjarmasin

[Get This]