Mobil SIM Keliling Rancak Tutup

Puluhan urang warga Banjarmasin nang handak baulah SIM di Gedung Wanita Kayu Tangi dan Siring Muka Gubernuran dalam babarapa hari puasa ini tauyuhi. Dua-tiga kali datang baurusan, mobil keliling nang dihadang kada sing cungulan.
     “Camuh am mun kaya ini,” ujar saurang warga, Selasa (16/7/2013. Sudah dua hari inya datang ke Gedung Wanita Kayu Tangi Jalan Brigjend H Hassan Basry tapi layanan baulah SIM kada buka karena mobil SIM keliling kada sing datangan.
     “Isuk pang buka lah?” jar nang saikung lagi. “Kada kawa bajanji kami, kaina muturnya kada datang lagi jatuh badusta am kami,” ujar saurang patugas nang malayani administrasi pandaftaran baulah SIM.
     Warga nang lain, Ati sudah dua kali jua baurusan handak mamparpanjang SIM. Samalam inya datang ke Gadung Wanita mobil kelilingnya kada datang. Inya lalu manyasah ka Siring Muka Gubernuran Jalan Jenderal Sudirman tapi mobil SIM keliling nang baandak di situ jam 11 sudah kada manarima palayanan lagi.
     Rabu (17/7/2013), Ati datang dan lewat lagi ka Gedung Wanita dan Siring Gubernuran sakalinya kaduanya tutup. Ada mobil SIM keliling dua buahan tapi baandak di parak Polda Kalsel. Isuk inya handak mancubai ka DM (Duta Mall), jar di situ buka tarus.
      Lain wan Mobil SIM keliling, Mobil SAMSAT keliling tatap rajin malayani warga di Gedung Wanita. Capat banar baurusan di Mobil SAMSAT keliling. Datang langsung maambil kartu pandaftaran di patugas parkir di muka Gedung Wanita, kada tapi lawas dapat panggilan. Malahan antara manjurung barkas nang tadiri dari STNK asli, fotokopi BPKB wan KTP kada sampai lima manit sudah tuntung urusan dan dapat STNK hanyar. Adl

 

Kiriman terbaru

Halaman Terkait

1 Komentar





Validasi
  • Lamont14-04-2017 00:52:23 Heya i am for the primary time here. I found this board and I find It
    truly helpful & it helped me out a lot. I hope to present one
    thing back and help others like you helped me.

Web Statistik

Total Kunjungan : 1751192
Kunjungan Hari Ini : 941
Online User : 20
Last Update : 19-08-2017

KukuBima Sido Muncul

Amplang Khas Banjarmasin

Gado-Gado Ayomi

kirim kabar ke : kabar.bc@gmail.com

Travel Haji Banjarmasin

Lowongan Kerja KARIR PADwww.karirpad.com/lowongan/kerja/semuanya

[Get This]