Musik Panting Kasanian Urang Banjar

Galu Banjar pamain musik panting

Dua Galuh Banjar pamain musik panting. Yudi Yusmili

Kasanian musik panting nitu tamasuk kasanian urang Banjar nang sudah lawas wayah dahulu, asalnya di dairah Tapin. Balalu dibawa ka dairah nang lainnya, lacit sampai ka Hulu Sungai nang lainnya, malahan sudah ada di Kotabaru.

Di Banjarmasin kumpulan musik panting sudah banyak di kampung, inya urang Banjar katuju lawan kasanian nangitu.

Manurut ujar urang tuha bahari, disambat panting nangitu asalnya urang mambunyiakan “dipanting” atawa “dikatik” talinya lawan jariji, balalu babunyi “ting”.

Bunyi ting nitu kadangaran amun tali panting nitu dikatik.

Ada jua nang mamadahakan asal muasal panting nitu tumatan bunyi “ting”, balalu dingarani panting.

Musik panting nitu mudilnya nang kaya gambus atawa gitar, tagal halus haja, sakira talu sampai ampat kilan panjangnya.

Di kampung Tatakan atawa kampung Sungkai, urang kampung di situ bisa banar baulah panting. Nang diulah tumatan batang kayu nangka atawa kayu pulantan, jingah, halaban, kamuning, kananga atawa kalangkala.

Ujar urang kampung sana, kayu nang paling baik dipakai gasan panting batang kayu sapat atawa pulantan.

Panting nangitu ada ngarannya, manurut mudil kapala nang kada sama. Ngarannya ada Lalai Gajah, Putri Kurung, Putri Manjanguk, Mayang Kurung, Mayang Maurai, Sari Diwi lawan Si Runtuh Palatar.

Wayah dahulu musik panting dimainakan amun warga kampung tuntung mangatam banih di pahumaan atawa tugal di gunung.

Ada jua amun diinta kulawarga nang ada hajat bamain pantng, nang kaya imbah basunat.

Wayah hini musik panting dimainakan amun ada karasmin banua atawa kulawarga nang bapangantinan. Wadah main musik panting nangitu biasanya di halaman rumah atawa di palatar. Lis

Sumber: Mandulang Intan, Lancar Basa Banjar Gasan SD Kelas 4. HM Syamsiar Seman.

Kiriman terbaru

Halaman Terkait

1 Komentar





Validasi
  • Madonna13-04-2017 23:48:59 Very nice post. I just stumbled upon your weblog and wanted
    to say that I have really enjoyed browsing your blog posts.
    In any case I will be subscribing to your feed and I hope you write again soon!

Web Statistik

Total Kunjungan : 1630604
Kunjungan Hari Ini : 49
Online User : 5
Last Update : 28-06-2017

Sodo Muncul Tolak Linu Herbal

Amplang Khas Banjarmasin

Kokyaku Japanese Food

kirim kabar ke : kabar.bc@gmail.com

Gado-Gado Ayomo Banjarmasin

Travel Haji Banjarmasin

[Get This]